Patuloy na pamamahagi ng ayuda na nanggaling sa National Government ang Team Ayuda ng San Pedro.


Patuloy na namahagi ng ayuda na nanggaling sa National Government ang Team Ayuda ng San Pedro sa Barangay Narra, Riverside, Poblacion, GSIS, at Maharlika. Nanatili naman ang mga designated location sa bawat barangay kung saan isinasagawa ang revalidation at payout sa mga unang nabigyan ng ayuda noong ika-14 ng Abril. Sinimulan naman ang validation sa Barangay Calendola ngayong araw at bukas ay sisimulan ang payout ng ayuda.


Sa pagtutulungan ng CSWDO, CTO, PNP, PAIO at Barangay ngayong ika-16 ng Abril 2021, naging maayos at mapayapang muli ang pamamahagi ng ayuda sa ating mga kababayan.

Ayon sa tagubilin ni City Mayor Lourdes S. Cataquiz, hindi bibigyan ng P1,000 lamang ang isang household, maliban na lang kung nagsosolo sa bahay. Sa isang household, bawat SAP beneficiary, apektadong indibidwal, vulnerable, Solo Parent at PWD ay bibigyan ng P1,000 (per head), subalit hindi hihigit sa P4,000 per household.


Pinapaalalahan po ang lahat na ihanda ang mga sumusunod: — BALLPEN — photocopy ng kahit na anong proof of identification tulad ng VALID ID, Barangay Certification, etc. — photocopy ng BIRTH CERTIFICATE kung wala pang valid ID (sa mga minor)

Laging tiyakin ang pagsunod sa mga health and safety protocols lalong lalo na ang tamang pagsusuot ng FACE MASK at FACE SHIELD at pagpapanatili ng PHYSICAL DISTANCING.


Isang Ligtas at Magandang San Pedro Po sa ating lahat!